کوئٹہ : (ویب ڈیسک) کوئٹہ میں تربوزکےنرخ بھی آسمان کو چھونےلگے، ماضی میں 25 سے 30 روپے میں فروخت ہونے والا تربوز رمضان المبارک میں 80 روپے فی کلو فروخت ہونے لگا۔
رمضان میں دن بھر کی کھوئی توانائی بحال اور جسم میں پانی کی کمی پوری کرنے کے لئے تربوز سے بہتر کوئی پھل نہیں، کوئٹہ میں روزہ دارافطاری کے وقت تربور ضرور کھاتے ہیں مگربڑھتی ہوئی مہنگائی کے باعث سب سے سستا ملنے والا تربوز 100 گنا مہنگا ہو کر فی کلو 80 روپے میں فروخت ہو رہا ہے۔
زمینداروں اورآڑھتیوں کا کہنا ہے کہ مہنگائی نے مت مار دی، تربوز مہنگے ہونے کی اہم وجہ انہیں کھیت سے مارکیٹ تک لانے کے لئے اخراجات بہت ہیں۔
فروٹ منڈی میں سب سے زیادہ مانگ بلوچستان کےعلاقے تربت کے تربوز کی ہے جس کا مٹھاس میں کوئی ثانی نہیں، جو فی من 2700 روپے میں فروخت ہو رہے ہیں۔
کوئٹہ میں تربوز کے نرخ بھی آسمان کو چھونے لگے، 80 روپے فی کلو فروخت ہونے لگا
