وزیراعظم شہباز شریف نے کل ن لیگ کا اہم اجلاس طلب کر لیا

اسلام آباد: (ویب ڈیسک) وزیراعظم میاں شہباز شریف نے کل پاکستان مسلم لیگ (ن) کا اہم اجلاس طلب کر لیا ہے۔
اس ضمن میں ذمہ دار ذرائع سے بتایا ہے کہ طلب کردہ اجلاس میں ملک کی موجودہ سیاسی صورتحال پر پارٹی اراکین کو اعتماد میں لیا جائے گا۔
اجلاس میں ن لیگ قومی امور کے حوالے سے اپنے آئندہ کے لائحہ عمل پر غور و خوص کر کے اسے ترتیب دے گی۔
وزیراعظم کی زیر صدارت منعقدہ اجلاس میں پی ٹی آئی کے لانگ مارچ پر صلاح و مشورہ کیا جائے گا جب کہ ن لیگ کے اراکین کی تجاویز و آرا پر بھی مشاورت کی جائے گی۔
واضح رہے کہ آج بھی ن لیگ کا اہم اجلاس لاہور میں منعقد ہوا تھا جس میں میاں شہباز شریف، حمزہ شہباز، رانا ثنا اللہ اور مریم نواز نے شرکت کی تھی جب کہ سابق وزیراعظم میاں نواز شریف ویڈیو لنک کے ذریعے شریک ہوئے تھے۔