سری نگر: (ویب ڈیسک) مقبوضہ وادی میں سرچ آپریشن کی آڑ میں کشمیریوں کی نسل کشی جاری ہے، قابض بھارتی فوج نے پلوامہ میں مزید تین نوجوانوں کو شہید کردیا، دو روز میں شہدا کی تعداد پانچ ہوگئی۔
دوسری جانب بھارت میں بی جے پی کے رہنماؤں کی جانب سے گستاخانہ بیان کے خلاف مظاہروں کے دوران گذشتہ روز بھارتی پولیس نے 2 مسلمان مظاہرین شہید اور درجنوں کوزخمی کر دیا تھا۔ غیر ملکی میڈیا کے مطابق ریاست جھارکھنڈ کے شہر رانچی میں بھارتی پولیس نے 2 مظاہرین کو گولی مار دی اور 227سے زائد افراد کو سڑکوں پر نکالی جانے والی ریلیوں کے دوران گرفتار کر لیا۔
پاکستان نے بھارت میں مسلم مظاہرین پر وحشیانہ تشددکی مذمت کی ہے، دفتر خارجہ سے جاری بیان میں کہا گیا ہے کہ پاکستان بھارت میں مسلمانوں کےساتھ وحشیانہ سلوک کی مذمت کرتاہے،مظاہرین پربھارتی فورسز کی بلااشتعال فائرنگ کی فوٹیج خوفناک ہے،اترپردیش میں اب تک 227 لوگوں کوگرفتار کیا گیا ہے، بھارت کی ہندوتواپالیسی کامقصداقلیتوں خصوصاًمسلمانوں پرظلم کرناہے،پاکستان بھارتی مسلمانوں کےساتھ یکجہتی کا اظہارکرتاہے۔
ترجمان دفترخارجہ نے کہا کہ بھارتی حکومت کی بےحسی مسلمانوں کومزیدپسماندگی کاباعث بنا سکتی ہے، بھارت توہین آمیزریمارکس پرذمہ داروں کےخلاف کارروائی کرے، عالمی برادری بھارت میں اسلاموفوبیا کی بگڑتی صورتحال کا نوٹس لے۔
مقبوضہ کشمیر میں ایک اور سیاہ دن، سرچ آپریشن کی آڑ میں مزید 3 نوجوان شہید
