سنسناٹی اوپن ٹینس: ڈینیئل مدویدوف، سٹیفانوس اور کیمرون نوری کوارٹر فائنل میں داخل

اوہائیو: (ویب ڈیسک) ڈینیئل مدویدوف، سٹیفانوس اور کیمرون نوری سنسناٹی اوپن ٹینس ٹورنامنٹ کے کوارٹر فائنل میں پہنچ گئے۔
سال کے چوتھے گرینڈ سلام یو ایس اوپن سے قبل وارم اپ ٹورنامنٹ کے مینز سنگلز کے پری کوارٹر فائنل راؤنڈ میں 26 سالہ برطانوی ٹینس سٹار کیمرون نوری نے حریف امریکی کھلاری بین شلٹن کو دلچسپ مقابلے کے بعد سیدھے سیٹس میں شکست دی اور کوارٹر فائنل راؤنڈ کے لئے کوالیفائی کرلیا۔
امریکی ریاست اوہائیو کے شہر سنسناٹی میں جاری ایونٹ میں کانٹے کے مقابلوں کا سلسلہ جاری ہے، جس کے مردوں کے سنگلز مقابلوں کے ٹاپ 16 میچ میں انگلینڈ کے ٹینس کھلاڑی اور ایونٹ کے نائنتھ سیڈ کیمرون نوری نے شاندار کارکردگی کا مظاہرہ کرتے ہوئے حریف امریکی کھلاری بین شلٹن کو سٹریٹ سیٹس میں 0-6 اور 2-6 سے ہرا کر ٹاپ ایٹ راؤنڈ کے لئے کوالیفائی کرلیا۔
روس کے نامور ٹینس سٹار اور عالمی نمبر ایک ڈینیئل مدویدوف اور یونانی ٹینس سٹار سٹیفانوس اپنی پیش قدمی کو برقرار رکھتے ہوئے سنسناٹی ماسٹرز ٹینس مینز سنگلز کوارٹر فائنل میں پہنچ گئے جبکہ روسی ٹینس سٹار آندرے روبلوف ٹاپ 16 میں ہار کر ایونٹ سے باہر ہوگئے۔
روسی ٹینس سٹار ڈینیئل مدویدوف نے ٹاپ 16 راؤنڈ میں کینیڈین حریف کھلاڑی ڈینس شاپووالوکو اور یونانی ٹینس کھلاڑی سٹیفانوس نے ارجنٹائن کے حریف کھلاڑی ڈیگو سچوارٹزمین کو شکست دی، ڈبلیو ٹی اے/ اے ٹی پی سنسناٹی ماسٹرز اوپن ٹینس ٹورنامنٹ کے انتہائی دلچسپ اور کانٹے دار مقابلوں کا سلسلہ امریکا میں جاری ہے۔
مردوں کے سنگلز مقابلوں کے پری کوارٹر فائنل رائونڈ میں روسی ٹینس سٹار اور عالمی نمبر ایک ڈینیئل مدویدوف نے شاندار کارکردگی کا مظاہرہ کرتے ہوئے کینیڈین حریف کھلاڑی ڈینس شاپووالوکو سٹریٹ سیٹس میں 5-7 اور 5-7سے شکست دے کر کوارٹر فائنل کے لئے کوالیفائی کرلیا۔
ایک اور میچ میں یونان کے سٹیفانوس نے عمدہ کارکردگی کا مظاہرہ کرتے ہوئے ارجنٹائن کے حریف کھلاڑی ڈینس شاپووالوکو سیدھے سیٹس میں 3-6 اور 3-6 سے ہراکر ٹاپ 8 رائونڈ کے لئے کوالیفائی کرلیا، امریکی کھلاڑی ٹیلر فرٹز نے سکستھ سیڈڈ روسی کھلاڑی آندرے روبلوف کو شکست دے کر ٹاپ 16 کی روکاٹ عبور کر کے کوارٹر فائنل تک رسائی حاصل کی۔