لاہور: (ویب ڈیسک) سابق وزیر اعظم عمران خان کے مشیر برائے احتساب شہزاد اکبر نے ڈیلی میل کی جانب سے مقدمے سے دستبرداری “سیٹلمنٹ ” قرار دیدی۔
سماجی رابطے کی ویب سائٹ ٹویٹر پر اپنے بیان میں شہزاد اکبر نے کہا کہ مقدمے میں جب نیب ہی لیٹ گیا تو ڈیلی میل کیا کرتا، ڈیلی میل کہہ رہا ہے کہ شہباز شریف کو نیب نے چارج ہی نہیں کیا، جب نیب نے ہی چارج نہیں کیا تو پھر برطانوی حکومت یا ڈی ایف ائی ڈی کیسے چارج کرتی ؟۔
شہزاد اکبر نے کہا کہ ڈیلی میل نے لکھا ہے کہ متاثرین کے فنڈز میں خورد بورد کے الزام کی حد تک معذرت خواہ ہیں ، شہباز شریف نے اس کیس میں عدالت کا جرمانہ بھی ادا کر دیا ہے ، اب کوئی ان سے تصدیق کر لے ، میری نظر میں یہ معذرت مقدمے کی سیٹلمنٹ ہے ۔
خیال رہے کہ آج برطانوی اخبار ڈیلی میل نے شہباز شریف کے خلاف زلزلہ متاثرین کے فنڈز کی چوری کے الزام پر معذرت کی تھی ۔
