انگلش ویمنز ٹیم کا ویسٹ انڈیز کیخلاف ٹی 20 سیریز میں فاتحانہ آغاز

جمیکا : (ویب ڈیسک) انگلینڈ ویمنز کرکٹ ٹیم نے پہلے ٹی 20 میں ویسٹ انڈیز کو 8 وکٹوں سے شکست دے دی۔ تفصیلات کے مطابق ویسٹ انڈیز اور انگلینڈ کی ویمن کرکٹ ٹیموں کے مابین ٹی 20 سیریز کا آغازہو گیا جبکہ انگلش ٹیم نے ویسٹ انڈیز کو پہلے ٹی 20 میں 8 وکٹوں سے شکست دے کر 5 میچز پر مشتمل سیریز میں ایک صفر کی برتری حاصل کرلی ہے۔ سر وویون رچرڈ سٹیڈیم میں کھیلے گئے پہلے ٹی 20 میں انگلش ٹیم نے ٹاس جیت کر پہلے فیلڈنگ کا فیصلہ کیا ، ویسٹ انڈین ٹیم نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 105 رنز بنائے۔ مہمان ٹیم کی جانب سے 106 رنز کا ہدف 2 وکٹوں کے نقصان پر 44 گیندیں قبل مکمل کیا گیا، ڈینی ویٹ نے 34 گیندوں پر 59 رنز کی ناقابل شکست شاندار اننگ کھیلی۔ فاتح ٹیم کی بولر لورین بیل کو میچ میں بہترین کارکردگی کا مظاہرہ کرنے پر پلیئر آف دی میچ کا ایوارڈ دیا گیا۔ دونوں ٹیموں کے درمیان سیریزکا دوسرا میچ 15 دسمبر کو برج ٹائون میں کھیلا جائے گا۔