لاہور: (ویب ڈیسک) وزیر داخلہ رانا ثنا اللہ نے اسمبلیوں کی تحلیل کے اعلان پر تبصرہ کرتے ہوئے کہا ہے کہ عمران خان 23دسمبر کے بعد بھی یوٹرن لیں گے۔
وزیر داخلہ رانا ثنا اللہ نے کہا ہے کہ مجھے شک ہے کہ عمران خان 23دسمبر کے بعد بھی یوٹرن لیں گے۔ اگر عمران خان سنجیدہ ہیں تو 15منٹ کے اندر اسمبلی تحلیل کردیں۔ صوبوں میں فوری الیکشن میں جایا جائے یا نہیں،حتمی فیصلہ نوازشریف کریں گے۔
ان کا کہنا ہے کہ پنجاب کی پارلیمانی پارٹی کا کہناہے کہ آئینی آپشن استعمال کرناچاہیے۔ہم عمران خان کو ایکسپوز کریں گے۔ عمران خان ایک فتنہ اور یہ صرف انتشار پھیلا رہے ہیں۔کیا عمران خان نے ن لیگ کے رہنماوں کو جیل نہیں بھیجاتھا۔
ا نہوں نے کہا ہے کہ اگر جنرل باجوہ سے اتنی شکایات تھیں تو ان کو توسیع کیوں دینا چاہتےتھے؟عمران خان تاریخ کا سب سے بڑا جھوٹا شخص ہے۔پرویز الہٰی کرپشن کررہے ہیں، وہ مزید4دن اور کرلیں گے۔عمران خان اس وقت ملک کو ڈیفالٹ کرنے کی مہم چلارہےہیں۔
انکا کہنا ہے کہ پنجاب اور خیبرپختونخوا میں ان لوگوں نے بہترین طریقے سے کرپشن کی ہے۔اگر ہماری طرف سے کچھ گنجائش ہوتی تو پرویزالہٰی کوئی اور آپشن نکالتے۔
عمران خان 23دسمبر کے بعد بھی یوٹرن لیں گے،وزیرداخلہ رانا ثنا اللہ
