آئی ایم ایف کی تشویش، سستا پیٹرول سکیم موخر کرنے کا فیصلہ

اسلام آباد: (ویب ڈیسک) حکومت نے سستا پٹرول سکیم موخر کرنے کا فیصلہ کر لیا۔
وزارت خزانہ کے ذرائع کے مطابق سبسڈی لانچ کرنے سے پہلے آئی ایم ایف سے مشورہ ضروری ہے۔
اس سکیم کولانچ کرنے کے لئے اب نئے طریقے پر کام ہو رہا ہے، واضح رہے کہ گزشتہ روز آئی ایم ایف نے تشویش کرتے ہوئے کم آمدنی والوں کو ایندھن پر سبسڈی دینے پر پاکستان نے کوئی مشاور ت نہیں کی۔
بڑی گاڑی والوں کے لئے قیمتیں بڑھانے پر بھی کوئی بات نہیں ہوئی ہے،آئی ایم ایف سکیم کے آپریشن، لاگت، ہدف، دھوکہ دہی، اور استحصال پر تفصیلات حاصل کررہا ہے۔
پاکستان کی جانب سے وعدوں کو پورا کرنے کی پیشرفت پر آئی ایم ایف نے پاکستان کی کاوشوں کو سراہا ہے، اس کے علاوہ سستے پیٹرول بارے پاکستان سے بات کرنے کا پیغام دیا ہے۔
واضح رہے کہ حکومت نے 800 سی سی تک کی گاڑیوں اور موٹر سائیکل والوں کے لئے سستا پٹرولیم اسکیم لانے کا اعلان کیا ہوا ہے۔
وزیر مملکت برائے پٹرولیم مصدق ملک نے گزشتہ روز کہا تھا کہ موٹر سائیکل سواروں کو فی لیٹر پیٹرول پر پچاس نہیں بلکہ سو روپے کا ریلیف ملے گا۔
ان کا کہنا تھا کہ وزیراعظم نے غریب کے لیے پیٹرول کی قیمت کم کرنے کا فیصلہ کیا ہے،بڑی گاڑیوں والے پیٹرول کی زیادہ قیمت دیں گے۔
انہوں نے کہاکہ لوئر کلاس کے لوگ دیکھے ہیں، تین چار بچے ہیں، خود اوربیگم موٹر سائیکل پر بیٹھے ہیں، موٹر سائیکل سواروں کے لیے تیل کی قیمت کم کر دی جائے گی۔
ہم نے پچاس روپے کی کمی کا کہا تھا وزیر اعظم نے کہا فرق 100کا ہونا چاہیے،وزیراعظم نے ہمیں 6 ہفتے دیئے ہیں، سختی سے کہا کہ اسکیم بنائیں۔
امیر سے لینے والے پیسے غریب پر خرچ کر دیئے جائیں گے، امیر پر ٹیکس عائد کریں گے، غریب کے لیے آسانی ہوگی۔
بغیر سبسڈی کے غریب کا پیٹرول سستا کر دیں گے، کم قیمت گیس کا فیصلہ جنوری اور کم قیمت پیٹرول کا فیصلہ6 ہفتے میں ہوجائے گا۔