جنوبی افریقہ نے ایک میچ میں دو عالمی ریکارڈ اپنے نام کرلیے

سنچورین:(ویب ڈیسک) جنوبی افریقہ نے ایک ٹی 20 میچ میں دو عالمی ریکارڈ اپنے نام کرلیے۔
جنوبی افریقہ نے 259 رنز کا ہدف حاصل کرکے تاریخ رقم کر دی ، ویسٹ انڈیز کو 6 وکٹ سے شکست دے دی ،جنوبی افریقہ کی ٹیم ٹی 20 کی تاریخ میں سب سے زیادہ ہدف حاصل کرنے والی ٹیم بن گئی۔
کوائنٹن ڈی کوک نے 44 گیندوں پر 100 رنز کی دھواں دھار اننگز کھیلی، اس سے قبل بلغاریہ نے سربیا کے خلاف 246 رنز کا ہدف حاصل کیا تھا۔
مزید براں جنوبی افریقہ نے ویسٹ انڈیز کیخلاف پاور پلے میں بغیر کسی نقصان کے سب سے زیادہ 102 رنز سکور کرکے نیا عالمی ریکارڈ بنا ڈالا جو ٹی 20 انٹرنیشنل کرکٹ کی تاریخ میں سب سے زیادہ پاور پلے سکور ہے۔
اس سے قبل ویسٹ انڈیز نے سری لنکا کے خلاف پاور پلے میں 98 رنز بنائے تھے۔