سرگودھا (ویب ڈیسک)حکومت پنجاب کی جانب سے 108مستحقین کو جہیز فنڈ ‘ مالی وظیفہ ‘معذوری وظیفہ اور مستحقین کو 14لاکھ سے زائد کی رقم آج (اتوار کو) تقسیم کی جائے گی ۔اس تقریب کے مہمان خصوصی ڈپٹی کمشنر سرگودھا ہونگے ۔تفصیلات کے مطابق ضلعی بیت المال کے تحت ضلع سرگودھا سے مختلف مدوں میں 108مستحقین کو حکومت پنجاب کی جانب سے مالی امداد کے چیک تقسیم کئے جائیں گے۔جہیز فنڈ کی مد میں 3لاکھ40ہزار 20افراد کو ‘وظیفہ کی مد میں 3لاکھ36ہزار24افراد کو ‘مالی معذور کے 27افراد کیلئے 10ہزار فی کس‘جبکہ عام جنرل 50افراد کو 10ہزار روپے فی کس دیئے جائیں ‘ اس طرح ضلعی بیت المال آج 14لاکھ46ہزار روپے کے چیک تقسیم کئے جائیں گے اس تقریب کے مہمان خصوصی ڈپٹی کمشنر سرگودھا لیاقت علی چٹھ ہونگے ۔
