اسلام آباد (این این آئی) قومی اسمبلی کے اجلاس میںسندھ اور خیبر پختونخوا حکومت کو چور کہنے پر سپیکر سردارایاز صادق کی مداخلت کے بعد وزیر مملکت عابد شیر علی اور ایاز صادق کے درمیان تلخ جملوں کا تبادلہ ہوا ۔بدھ کو سپیکر ایاز صادق کی زیر صدارت قومی اسمبلی کا اجلاس ہوا وزیر مملکت عابد شیر علی نے اپنے خطاب میں سندھ اور خیبر پختونخوا حکومت کو چور کہا جس پر سپیکر نے مداخلت کرتے ہوئے کہا کہ آپ تقریر کے دوران میری طرف انگلی نہ اٹھائیں جس پر عابد شیر علی نے کہا کہ جناب سپیکر آپ کی جانب انگلی اٹھانے کا سوچ بھی نہیں سکتا ، مجھے معلوم ہے آپ چور کا لفظ کارروائی سے خذف کریں گے ۔عابد شیر علی کے خطاب پر سپیکر ایاز صادق نے کہا کہ آپ اپنی ذمہ داری نبھائیں میں اپنا فرض نبھاتا جاﺅں گا ۔عابد شیر علی نے کہاکہ پی پی پی والے آستین کے سانپ ہیں ¾ان کے گریبان کالے کرتوتوں سے بھرے ہوئے ہیں ۔ اپنی قیادت پر زرداری کا سایہ بھی نہیں پڑنے دیں گے ¾ پاکستان کی کرپشن کا گارڈ فادر ایک ہی شخص ہے۔اپنے خطاب کے دوران انہوںنے کہاکہ نوازشریف نے نہیں بلکہ پی پی نے این آر او پر دستخط کیے۔سندھ کابینہ کا دبئی بلا کر اجلاس کیا جاتا ہے ، کیا وزیر اپنی جیب سے خرچ کر کے ٹکٹ اور رہائشیں لیتے ہیں ؟ عوام کویہ جاننے کا حق ہے کہ سوئس بینکوں تک رقوم کیسے پہنچیں۔ کسی کو حق نہیں بھاشن دے اور پھر سنے بغیر چلا جائے۔
