سابق پاکستانی کرکٹ کپتان شاہد آفریدی نے اسلام آباد میں اپنے پالتو کتے میکس کے گم ہونے پر عوام سے مدد کی اپیل کی ہے۔
شاہد آفریدی نے سوشل میڈیا پلیٹ فارم ایکس پر اپنے پیغام میں بتایا کہ میکس ان کے خاندان کا ایک پیارا فرد ہے اور اس کے گم ہونے پر وہ اسے تلاش کرنے کے لیے عوام کی مدد چاہتے ہیں۔
سابق کپتان نے اپیل کی کہ اگر کسی شخص کو میکس نظر آئے یا وہ اسے تلاش کرنے میں کامیاب ہو تو اسے محفوظ رکھا جائے، تاکہ شاہد آفریدی یا ان کے اہلخانہ اسے واپس گھر لے جا سکیں۔
آفریدی کی اپیل کے بعد مداحوں اور سوشل میڈیا صارفین کی جانب سے میکس کی جلد واپسی کے لیے نیک خواہشات کا اظہار کیا جا رہا ہے، جبکہ لوگوں سے کہا جا رہا ہے کہ اگر انہیں کتے کے بارے میں کوئی معلومات ملیں تو اہلخانہ تک پہنچائیں۔
