پشاور(این این آئی)ڈیرہ اسماعیل خان میں تبلیغی جماعت کے افراد کو لے جانے والی کوچ اور موٹر سائیکل کے درمیان ٹریفک حادثے کے نتیجے میں 3 افراد جاں بحق اور خواتین اور بچوں سمیت 13 مسافر زخمی ہوگئے۔اطلاع ملتے ہی ریسکیو 1122 کی میڈیکل ٹیمیں فوری طور پر جائے حادثہ پر پہنچ گئیں اور زخمیوں کو موقع پر ابتدائی طبی امداد فراہم کی۔بعد ازاں تمام زخمیوں کو مزید طبی امداد کے لیے مفتی محمود ہسپتال منتقل کر دیا گیا ،تینوں جاں بحق افراد کی میتیں بھی ضروری کارروائی کے لیے ہسپتال منتقل کر دی گئیں۔متاثرہ افراد میں 2 خواتین اور ایک بچہ بھی شامل ہیں۔ زخمیوں کی شناخت ٹیکہ خان، سدیس، وحید گل، میر خان، ارسلہ خان، غلام یاسین، فتح محمد، یوسف، ناظم شاہ، مشرف، حیات شاہ، سراج اور گلفام کے نام سے ہوئی۔ریسکیو 1122 کی ٹیموں نے بروقت اور مثر کارروائی کرتے ہوئے متاثرین کو طبی امداد فراہم کی اور ہسپتال منتقل کیا۔
