گوجرانوالہ(ڈویژنل بیورو رپورٹ)گوجرانوالہ کے مختلف علاقوں میں 3 پولیس مقابلے، 3 ملزمان زخمی حالت میں گرفتار۔سی پی او ڈاکٹر سردار غیاث گل خان کا فوری نوٹس، ڈویژنل ایس پیز سے رپورٹ طلب۔تھانہ سبزی منڈی پولیس کارروائی؛ راہزنی، موٹر سائیکل چوری کے مقدمات میں ریکارڈ یافتہ اور منشیات فروشی میں ملوث ملزم لیاقت علی پولیس ناکہ سے فرار ہونے کی کوشش میں زخمی حالت میں گرفتار، قبضہ سے منشیات اور بلا نمبری ٹیمپرڈ موٹرسائیکل برآمد۔تھانہ تتلے عالی پولیس کارروائی؛ چوری اور موٹرسائیکل چوری کے مقدمات میں ملوث و ریکارڈ یافتہ ملزم عباس علی پولیس ناکہ سے فرار ہوتے ہوئے زخمی حالت میں گرفتار، قبضہ سے چوری شدہ موٹرسائیکل برآمد۔تھانہ لدھے والا وڑائچ پولیس مقابلہ؛ 12 سالہ ذہنی معذور بچی سے زیادتی کی کوشش کے مقدمہ میں نامزد ملزم جاوید دوران پولیس ریڈ فرار ہونے کی کوشش میں زخمی حالت میں گرفتار، قبضہ سے ناجائز اسلحہ برآمد۔
