تھل جیپ ریلی کے دوران 3شہریوں کو مرغا بناکر تذلیل کرنے پر ایلیٹ فورس کے 4ملازمین پر مقدمہ درج

لیہ( این این آئی)تھل جیپ ریلی کے دوران 3شہریوں کو مرغا بناکر ان کی تذلیل کرنے پر ایلیٹ فورس کے 4ملازمین پر تھانہ چوبارہ میں مقدمہ درج کر کے گرفتا ر کر لیا گیا۔ڈی پی او لیہ نے ویڈیو وائرل پر ہونے پر واقعہ کا نوٹس لیا تھا۔مقدمہ ہیڈ کانسٹیبلز نجیب اللہ،محمد جاوید اور کانسٹیبلز عبدالوہاب اور حسن رضا کے خلاف اختیارات کے ناجائز استعمال کی دفعہ کے تحت درج کیا گیا ۔علاوہ ازیںناقص کارکردگی اور بد نظمی پر ایس ایچ او تھانہ چوبارہ انسپکٹر نجیب اللہ کو بھی معطل کر دیا گیا ۔دوران ڈیوٹی ٹک ٹاک بنانے پر 2لیڈی کانسٹیبلز معلی اور عمارہ کو بھی معطل کر دیا گیا ۔ریسرز کو بروقت امداد نہ پہنچانے پر ریسکیو کے 4اہلکاروں کو بھی معطل کر دیا گیا ۔معطل ہونے والے ریسکیورز عمران ، ذاکر اچلانہ ، خضر جوتہ اور محمد شفاقت کے خلاف تحقیقات کیلئے انکوائری کمیٹی قائم کر دی گئی ۔