پاکستان میں سونے کی قیمت میں بڑی کمی ریکارڈ کی گئی ہے، جس کے بعد فی تولہ 24 قیراط سونا 15,100 روپے کمی کے بعد 4 لاکھ 67 ہزار 936 روپے پر آگیا۔ گزشتہ روز سونے کی فی تولہ قیمت 4 لاکھ 83 ہزار 36 روپے تھی۔
اسی طرح 10 گرام سونے کی قیمت 12,946 روپے کم ہوکر 4 لاکھ 1 ہزار 179 روپے ہوگئی۔
سونے کی قیمت میں یہ نمایاں کمی عالمی مارکیٹ میں قیمت گرنے کے بعد سامنے آئی۔ عالمی مارکیٹ میں سونا 151 ڈالر فی اونس کم ہوکر 4,454 ڈالر فی اونس پر آگیا، جبکہ اس میں 20 ڈالر کا پریمیم بھی شامل تھا۔
دوسری جانب پاکستان میں چاندی کی قیمت بھی 397 روپے فی تولہ کم ہوکر 7,112 روپے ہوگئی۔
مارکیٹ میں سونے کی قیمتوں میں آئندہ اتار چڑھاؤ کا انحصار عالمی بلین مارکیٹ، جغرافیائی سیاسی صورتحال اور سرمایہ کاروں کے رجحان پر رہے گا۔
