احسن اقبال کالیاقت بلوچ سے رابطہ مذاکرات کیلئے ایک روز کی مہلت مانگ لی

لاہور( این این آئی)وفاقی وزیر منصوبہ بندی
احسن اقبال نے نائب امیر جماعت اسلامی لیاقت بلوچ سے رابطہ کر کے مذاکرات کے تیسرے دور کے لیے مزید ایک روز کی مہلت مانگ لی ۔ جماعت اسلامی اور حکومت کے درمیان پٹرولیم لیوی پر مذاکرات کا تیسرا دور پیر کو ہونا تھا۔لیاقت بلوچ کے مطابق احسن اقبال نے وزیراعظم شہباز شریف کا پیغام پہنچایا ہے ،وزیراعظم چاہتے ہیں پٹرولیم لیوی پر مذاکرات منگل کو ہوں ۔ لیاقت بلوچ کے مطابق حکومت نے جماعت اسلامی سے مذاکرات کے لئے ایک ، جبکہ پٹرولیم لیوی او آئی پی پیز پر دو کمیٹیاں قائم کر رکھی ہیں، حکومت سے پٹرولیم لیوی پر مذاکرات منگل جبکہ آئی پی پیز پر بدھ کو ہوں گے۔