کراچی (بزنس رپورٹر)پاکستان سٹاک مارکیٹ میں کاروباری ہفتے کے آخری روز کاروبار حصص میں زبردست تیزی رہی، 100 انڈیکس 1,841 پوائنٹس بڑھ گیا اور ایس ای100 انڈیکس 170,884 پوائنٹس تک پہنچ گیا جبکہ ایک موقع پر یہ تیزی171036پوائنٹس تک بھی پہنچی تھی۔ آٹو موبائل اسمبلی، سیمنٹ، کمرشل بینکوں، آئل اینڈ گیس ایکسپلوریشن، آئل مارکیٹنگ کمپنیوں اور بجلی پیدا کرنے والی کمپنیوں کے حصص نے مارکیٹ میں تیزی کو تقویت دی۔ لکی سیمنٹ، ایم سی بی، میزان بینک، نیشنل بینک، یو بی ایل، میری انرجیز، او جی ڈی سی ایل، پی او ایل، پی پی ایل اور پی ایس او سمیت اہم کمپنیوں کے حصص مثبت زون میں رہے۔سرمایہ کاروں کی توجہ نئی سرمایہ کاری پر رہی جس کی وجہ س عالمی سطح پر تیل کی قیمتیں مزید نرم رہیں اور مشرق وسطیٰ سے متعلق صورتحال میں بہتری کے اشارے برقرار ر رہے،عالمی منڈی میں تیل کی قیمتوں میں کمی اور امریکا، ایران کشیدگی میں ممکنہ کمی کے اشاروں سے سرمایہ کاروں کے اعتماد میں بہتری آئی۔ تاہم سال کے آغاز سے اب تک انڈیکس مجموعی طور پر اب بھی منفی سطح پر ہے اور حالیہ نقصانات کا کچھ حصہ ہی پورا کرسکا ہے۔جمعہ کو کاروباری حجم گزشتہ روز جمعرات کی نسبت49.14فیصد زائد رہا۔مارکیٹ سرمائے میں190ارب روپے سے زائد کا اضافہ ہوا۔ کاروبار کے اختتام پر کے ایس ای 100 انڈیکس 1841.39پوائنٹس بڑھ کر 170884.59پوائنٹس پر پہنچ گیا اسی طرح 3585.22پوائنٹس کے اضافے سے کے ایس ای 30انڈیکس50883پوائنٹس اور کے ایس ای آ? ل شیئرز انڈیکس 1052.60پوائنٹس بڑھ کر 103297.23پوائنٹس پر بند ہوا۔ کاروباری تیزی سے مارکیٹ مجموعی سرمایہ 190ارب80کروڑ6لاکھ84ہزار695روپے اضافے سے19038ارب 15کروڑ 41لاکھ70ہزار 297روپے ہو گیا۔پاکستان اسٹاک مارکیٹ میں جمعہ کو22ار روپے مالیت کے 57کروڑ62لاکھ سے زائدحصص کے سودے ہوئے جبکہ جمعرات کو 20ار روپے مالیت کے 38کروڑ 63لاکھ سے زائد شیئرز کا کاروبار ہوا تھا۔اسٹاک مارکیٹ میں دن بھر496کمپنیوں کا کاروبار ہوا 351کمپنیوں کے بھا? بڑھ گئے اور110کے دام گھٹ گئے جبکہ 35کمپنیوں کے حصص کی قیمتوں میں استحکام رہا۔کاروبار کے لحاظ سے میڈیا ٹائمز لمیٹڈ،ورلڈ کال ٹیلی کام،سنر جیکو پاک،کے الیکٹرک، فرسٹ کیپٹل سیکیورٹی، نشاط چونیاں پاور سر فہرست رہے۔قیمتوں میں اتار چڑھا? کے اعتبار سے یونی لیور پاکستان فوڈز لمیٹڈ کا بھا?283.44روپے اضافے سے 25083.44روپے ہو گیا اسی طرح 130.47روپے کے اضافے سے سیمنس پاکستان انجینئرنگ کے حصص کی قیمت 1732.87روپے پر پہنچ گئی جبکہ پی آئی اے ہولڈن کمپنی لمیٹڈ کا بھا? 341روپے گھٹ کر15925روپے ہو گیا اسی طرح 87.81روپے کی کمی سینیسلے پاکستان لمیٹڈ کے حصص کی قیمت 7402.19روپے پر آ گئی۔
