پنجاب کے چاروں ہوائی اڈوں پر سمگلنگ کا گھنائو نا دھندہ جاری

ملتان(عمران خان سے) پنجاب کے چار ایئر پورٹس پرسمگلنگ نہ رک سکی۔ او پی ایس پرلگنے والے
کلکٹربااثر ایڈیشنل کلکٹر اورڈپٹی کلکٹر کے سامنے بے بس کسٹم افسران ،سمگلروں کوسہولت کاری کرکے کروڑوں میں کھیلنے لگے۔ قومی خزانے کو روزانہ کروڑوں روپے نقصان،تفصیلات کے مطابق پنجاب کے چارایئرپورٹس ملتان فیصل آباد لاہور اور سیالکوٹ اس وقت پورے پاکستان کے سمگلروں کیلئے پرکشش مقام بن چکے ہیں کیونکہ چیئرمین ایف بی آر نے ایک حکومتی وزیر کے کہنے پر ایک جونیئر آفیسر کواوپی ایس پر کلکٹرکسٹم لاہورتعینات کیا ہے جواپنی ایڈیشنل کلکٹر ملتان ایئرپورٹ سے3 سال جونیئرہے یہی وجہ ہے کہ کلکٹراوپی ایس لاہور ایئرپورٹ سلمان افضل کی ان چاروں ایئرپورٹس پر تعینات افسران پر گرفت کمزور ہے ان چاروں ایئرپورٹس پر تعینات افسران اپنے کلکٹر کے احکامات ماننے سے انکاری ہیں ا س وقت لاہورایئرپورٹس کلکٹریٹ پر ایڈیشنل کلکٹر محمدرضوان اور ڈپٹی کلکٹر قرة العین کی اجارہ داری ہے انہوں نے اپنے من پسند سپرنٹنڈنٹس اورانسپکٹر تعینات کررکھے ہیں جو کھلم کھلا سمگلروں کی سہولت کاری کررہے ہیں جبکہ سلمان افضل کلکٹرایئرپورٹس جن پربراہ راست کرپشن کا کوئی الزام نہیں ہے وہ ان بااثر افسران کے سامنے بے بس بنے ہوئے ہیں ڈپٹی کلکٹر قرةالعین کوسمگلروں کی سہولت کاری کی شکایت پر ملتان ایئرپورٹ سے ٹرانسفر کیاگیا لیکن اب وہ چاروں ایئرپورٹس کی مالک بنی ہوئی ہیں۔ ایڈیشنل کلکٹر اور ڈپٹی کلکٹر کے اثرورسوخ کایہ عالم ہے کہ انہوں نے ایک سال قبل کرپشن کاالزام ثابت ہونے پر جس سپرنٹنڈنٹ ایئرپورٹس آصف نواز کو 3ماہ کیلئے معطل کیاتھا اسے دوبارہ لاہور ایئرپورٹ پرتعینات کیااور جب دوبارہ سمگلروں کوسہولت کاری کرتے ہوئے پکڑاگیاتو اسے معطل کرنے کے بجائے اسے ایک اور پرکشش سیٹ ایکسپورٹس سیکشن میں لگادیا جہاں وہ کھلے عام کرپشن کررہاہے دوسری طرف ملتان ایئرپورٹ پرتعینات ایڈیشنل کلکٹر رابعہ عفت جواپنے کلکٹر سے 3 سال سینئر ہیں اور چیئرمین ایف بی آر کی بیوی کی بیسٹ فرینڈ اوربیچ میٹ ہیں وہ توکلکٹر سلمان افضل کافون سننا بھی گوارا نہیں کرتی۔ انہوں نے سینئر سپرنٹنڈنٹس کو سائیڈ لائن میں لگا دیا ہے انسپکٹروں کو ملتان ایئرپورٹ پرشفٹ انچارج لگارکھا ہے جسکی وجہ سے ملتان ایئرپورٹ پر کھلے عام سمگلنگ ہورہی ہے اس کے علاوہ 2ڈپٹی کلکٹر سہیل سرور اور مہک ماجد وہ بھی کلکٹرکسٹم سلمان افضل کے احکامات ہوامیں اڑا رہے ہیں کلکٹر کسٹم نے دونوں افسران کا ملتان ایئرپورٹ تبادلہ کیا لیکن انہوں نے چارج لینے سے انکار کردیا جس کی وجہ سے کلکٹر لاہور ایئرپورٹ کومجبوراً اپنے احکامات واپس لینے پڑے اور نئے تعینات ہونے والے ڈپٹی کلکٹرعلی آصف کو ملتان ایئرپورٹ تعینات کرنے کے احکامات جاری کیے لیکن انہوںں نے بھی 3 روز گذرنے کے باوجود ملتان ایئرپورٹ کا چارج نہیں لیا۔ اس وقت ان چاروں ایئرپورٹس پرسمگلروں سے انسپکٹرمنیرنیازی اور چیف کلکٹر کسٹم کاقریبی عزیز ارسلان میرانی سمگلروں سے روزانہ کروڑوں روپے اکھٹے کرکے ڈپٹی کلکٹر قرة العین کودیتے ہیں جو پوری ایمانداری سے اپنے ساتھیوں اور اعلیٰ افسران میںتقسیم کرتی ہے یہی وجہ ہے کہ حساس اداروں کی رپورٹ کے باوجود ان چاروں ایئرپورٹس پر اسکا اثرورسوخ ختم نہیں کیاجاسکتا۔ اس حوالے سے جب کلکٹرلاہور ایئرپورٹس سلمان افضل سے رابطہ کیاگیاتوانہوں نے کہا مجھ تک جوکرپشن کی شکایات یارپورٹ آتی ہیں مین ان پرفوری کارروائی کرتاہوں اورجہاں تک اپنے ڈپٹی کلکٹر کے تعیناتی کے احکامات واپس لینے کاتعلق ہے وہ میں نے ممبرکسٹم کے آفس سے آنے والے فونز پرکیاجومیری مجبوری تھی۔
ہوائی اڈے