سود کی تمام صورتیں اہلِ ایمان کیلئے حرام ہیں:ڈاکٹر راغب حسین نعیمی

لاہور (این این آئی) چیئرمین اسلامی نظریاتی کونسل علامہ ڈاکٹر راغب حسین نعیمی نے کہا ہے کہ سود کی تمام صورتیں اہلِ ایمان کے لیے حرام ہیں لین دین کے معاملات میں اسلامی تعلیمات کو ملحوظِ خاطر رکھا جائے۔ دین اسلام نے تجارت اور مالی معاملات میں واضح اصول و ضوابط مقرر کیے ہیں، جن کی پابندی ہر مسلمان پر لازم ہے، سود معاشی و معاشرتی مسائل میں اضافے کا سبب بنتا ہے، اس لیے مسلمان سودی معاملات سے مکمل اجتناب کریں۔ ان خیالات کا اظہار انہوں نے جامعہ نعیمیہ میں جمعہ کے اجتماع سے خطاب کرتے ہوئے۔ انہوں نے مزید کہا کہ اسلام ایک مکمل ضابط حیات ہے جو انسان کی انفرادی زندگی کے ساتھ ساتھ معاشی معاملات میں بھی رہنمائی فراہم کرتا ہے۔ قرآن و سنت میں سود کی واضح ممانعت بیان کی گئی ہے لہٰذا اہلِ ایمان پر لازم ہے کہ وہ اپنے مالی معاملات کو اسلامی تعلیمات کے مطابق انجام دیں۔