لاہور( این این آئی)صوبائی وزیر صحت پنجاب خواجہ عمران نذیر نے کہا ہے کہ وزیراعلی
پنجاب مریم نواز اپنے صوبے کے لیے بہترین منصوبے دے رہی ہیں تو انہیں بہترین جہاز خریدنے پر تنقید کا نشانہ کیوں بنایا جا رہا ہے؟ ،مریم نواز نے اپنے نجی دورے کے اخراجات اپنی جیب سے ادا کیے ہیں۔ایک انٹر ویو مین انہوںنے کہا کہ خیبرپختونخوا ہ کے وزیراعلی سہیل آفریدی جب لاہور میں اسٹریٹ موومنٹ کررہے تھے تو کیا انہوں نے یہ رسیدیں دکھائیں کہ اپنے نجی دورے کے اخراجات کہاں سے ادا کیے؟۔وزیراعلی پنجاب نے صوبے کو بیسٹ آف دی بیسٹ ایئر ایمبولینس دی، لیپ ٹاپ فراہم کیے اور سڑکوں کا جال بچھایا۔ انہوں نے سوال اٹھایا کہ اگر مریم نواز اپنے صوبے کے لیے بیسٹ آف دی بیسٹ منصوبے دے رہی ہیں تو وہ بیسٹ آف دی بیسٹ جہاز کیوں نہ خریدیں؟،اگر ہلکا جہاز خریدا جائے تو ہر 10، 15 دن بعد اس کی دیکھ بھال اور مرمت کی ضرورت پڑ سکتی ہے اور اس کے اخراجات بھی پنجاب کے عوام کو ہی برداشت کرنا ہوں گے۔مریم نواز کو جو چیز اپنی ذات کے لیے خریدنی تھی ویسی ہی پنجاب حکومت کے لیے خریدی ہے۔خیبرپختونخوا ہ کے وزیر اطلاعات شفیع جان کو تنقید کا نشانہ بناتے ہوئے انہوں نے کہا کہ شفیع جان ہیلی کاپٹر سے اترتے ہیں اور ٹک ٹاک بناتے ہیں تو کیا وہ ان کا ذاتی ہیلی کاپٹر ہے؟ ،شفیع جان وزیراعلی سہیل آفریدی کے جہاز کو رکشے کی طرح استعمال کرتے ہیں۔
