پولیس تحفظ دینے میں ناکام شہری لٹتے رہے گاڑیاں موٹر سائیکلیں چوری

لاہور (کرائم رپورٹر) شہر میں چوری اور ڈکیتی کی وارداتوں کے دوران شہریوں سے لاکھوںروپے’ طلائی زیورات’ موبائل فون’ موٹر سائیکلوں اور گاڑیوں سمیت دیگر سامان لوٹ لیا گیا۔ تفصیلات کے مطابق رائیونڈ میں معظم سے 3 لاکھ65 ہزار روپے اور موبائل فون’گجر پورہ میں ارشاد سے 3 لاکھ 45 ہزار روپے اور موبائل فون، سندر میں رفیق سے 3 لاکھ 15 ہزار روپے اور موبائل فون، ریس کورس میں عظیم سے 3 لاکھ روپے موبائل فون اور دیگر سامان چھین لیا گیا۔ شیرا کوٹ اور نواب ٹائون سے گاڑیاں جبکہ لٹن روڈ گارڈن ٹائون اور لوئر مال سے موٹرسائیکلیں چوری ہو گئیں۔