فیصل آباد(بیورورپورٹ)ڈکیتی، راہزنی، چوری اور چھینا جھپٹی کی چار درجن وارداتوں میں بھاری مالیت کی نقدی، طلائی زیورات، موبائل فونز، قیمتی سامان، مویشی، رکشہ اور پانچ موٹر سائیکل چھین لیے گئے، تفصیل کے مطابق شہر اور نواحی علاقوں میں گزشتہ چوبیس گھنٹوں کے دوران مختلف مقامات پر سات گھروں، پانچ دکانوں، گودام، حویلی اور ڈیرہ کا مسلح ڈاکوؤں اور چوروں نے صفایا کر دیا، مختلف مقامات پر ایک شہری سے نقدی، موبائل فون اور موٹر سائیکل اور گیارہ شہریوں سے لاکھوں روپے نقدی، موبائل فونز، طلائی زیورات اور قیمتی سامان راہزنوں اور جھپٹا گروپوں نے چھین لیا جبکہ شہر اور نواحی علاقوں میں مختلف مقامات سے ایک رکشہ، چار موٹر سائیکلیں، دو بجلی میٹر، دو واٹر پمپ، سولر پینل، انورٹر، موٹر، ٹیوب ویل، بجلی کی تار، بیٹریاں، دو افراد کی نقدی اور موبائل فونز اور چار زمینداروں کے لاکھوں روپے مالیت کے مویشی نامعلوم چور لے اڑے۔
