سرگودھا(بیورو رپورٹ) ون ویلنگ اور تیز رفتار موٹر سائیکل سوار کو خطرناک کرتب دکھانے پر گرفتار کر لیا گیا، تفصیلات کے مطابق ڈسٹرکٹ پولیس آفیسر توقیر محمد نعیم کی خصوصی ہدایت پر خطرناک انداز میں ون ویلنگ کرکے اپنی اور دوسروں کی جانیں خطرے میں ڈالنے والے منچلے حبیب الرحمان کو موقع پر گرفتار کر لیا۔ ملزم حبیب الرحمن لاہور روڈ پر موٹر سائیکل کے کرتب دکھاتے ہوئے ٹریفک کی روانی میں خلل ڈال رہا تھا، جسے بروقت کارروائی کرتے ہوئے حراست میں لیا گیا۔گرفتار ملزم کے خلاف ٹریفک قوانین کی سنگین ورزی اور ون ویلنگ کا مقدمہ درج کر کے موٹر سائیکل بھی تحویل میں لے لی گئی ہے۔اس موقع پر ڈی پی او توقیر محمد نعیم نے واضح پیغام دیتے ہوئے کہا کہ ون ویلنگ اور تیز رفتاری جیسے خونی کھیل کی کسی صورت اجازت نہیں دی جائے گی۔ والدین اپنے بچوں کی سرگرمیوں پر کڑی نظر رکھیں اور انہیں ایسے جان لیوا مشغلوں سے باز رکھیں۔ ٹریفک پولیس کو ہدایت کی گئی ہے کہ شہر کے اہم چوکوں اور شاہراہوں پر خصوصی ناکے قائم رکھے جائیں تاکہ شہریوں کے تحفظ کو یقینی بنایا جا سکے۔
