پاکستان دہشت گردی کے خلاف جنگ میں صفِ اول کا کردار اقوام متحدہ ترجمان

نیویارک(آئی این پی )اقوامِ متحدہ کے ترجمان اسٹیفن ڈی جائیک نے کہاہے کہ پاکستان دہشت گردی کے خلاف جنگ میں صفِ اول کا کردار ادا کر رہا ہے، سیکرٹری جنرل اقوام متحدہ خطے میں کشیدگی کم کرنے کے لئے پاکستان کی سفارتی کوششوں کو انتہائی قدر کی نگاہ سے دیکھتے ہیں۔ ایک نجی ٹی وی سے گفتگو میں اسٹیفن ڈی جائیک نے کہاکہ اقوام متحدہ کے سیکرٹری جنرل وزیراعظم شہباز شریف کے کردار کو بھی سراہتے ہیں، پاکستان دہشت گردی کے خلاف جنگ میں صفِ اول کا کردار ادا کر رہا ہے۔ اقوام متحدہ کے ترجمان نے افغان عبوری حکومت پرزوردیا کہ وہ اپنی سرزمین کو دہشتگردی کیلئے استعمال ہونے سے روکے اورملک سے دہشتگردی کا خاتمہ کرے،کابل انتظامیہ تمام شہریوں،خصوصا خواتین اور بچیوں کے حقوق اور ان کے تعلیمی حقوق کا تحفظ یقینی بنائے،اقوام متحدہ خطے میں امن اور سیاسی عمل کی مسلسل حمایت جاری رکھے گا اقوام متحدہ کے فنڈز مقامی انتظامیہ کو براہِ راست فراہم نہیں کیے جاتے بلکہ انہیں براہِ راست فلاحی منصوبوں پر خرچ کیا جاتا ہے۔