سپین میں 87سالہ خاتون کرایہ دار کی بے دخلی کیخلاف ہزاروں افراد کا احتجاج

میڈرڈ (این این آئی) سپین کے شہر میڈرڈ میں ر ہائش کے حوالے سے بحرانی کیفیت کے خلاف
ہزاروں افراد نے پوئرتا ڈیل سول چوک میں احتجاج کیا اور کرایہ داروں کے تحفظ، دھوکہ دہی کے خلاف قوانین بنائے جانے اور متبادل رہائش دیئے بغیر بے دخلی پر پابندی کا مطالبہ کیا۔ احتجاج کا آغاز اس وقت ہوا جب 87 سالہ خاتون کو میڈرڈ میں واقع ان کے فلیٹ سے نکال دیا گیا جہاں وہ کئی دہائیوں سے رہائش پذیر تھیں۔ احتجاج میں شریک55 سالہ نرس ڈورا گارشیا نے کہا کہ ہم یہاں اس لیے موجود ہیں کیونکہ رہائش کا مسئلہ پورے معاشرے، ہر عمر اور طبقے کے لوگوں کو متاثر کر رہا ہے اور ہم اس صورت حال کے مزید متحمل نہیں ہو سکتے، رہائش ایک بنیادی حق ہے جو ہمیں میسر نہیں ۔