چوری ڈکیتی کی وارداتیں شہری لاکھوں روپے کی نقدی و دیگر قیمتی اشیاء سے محروم

لاہور (کرائم رپورٹر) شہر میں چوری اور ڈکیتی کی وارداتوں کے دوران شہریوں سے لاکھوں  روپے’ طلائی زیورات’ موبائل فون’ موٹرسائیکلوں اور گاڑیوں سمیت دیگر سامان لوٹ لیا گیا۔ تفصیلات کے مطابق ہنجروال میں نسیم سے 5 لاکھ روپے اور موبائل فون’ شادباغ میں ندیم سے 4 لاکھ 60 ہزار روپے اور موبائل فون، گرین ٹائون میں خیام سے 4 لاکھ25 ہزار روپے اور موبائل فون، لوئر مال میں شکیل سے 4 لاکھ روپے موبائل فون اور دیگر سامان چھین لیا گیا۔ ڈیفنس اور مصری شاہ سے گاڑیاں جبکہ ٹائون شپ اسلام پورہ اور کاہنہ سے موٹرسائیکلیں چوری ہو گئیں۔