بل گیٹس کا اے آئی کے خطرات سے خبردار ایک ارب موات کا سبب بن سکتی ہے

لاہور(خبریں ڈیجیٹل )مائیکروسافٹ کے بانی بل گیٹس نے خبردار کیا ہے کہ مصنوعی ذہانت کو ہنگامی طور پر بند کرنے کا طریقہ کار کِل سوئچ ناکافی ہے اور یہ ٹیکنالوجی اتنی طاقت ور ہے کہ ایک ارب افراد کی وت کا سبب بن سکتی ہے۔ارب پتی مخیر گیٹس کہتے ہیں کہ ہنگامی طور پر بند کرنے کے آلات کے مقابلے میں اندرونی نگرانی اور مصنوعی ذہانت میں پہلے سے شامل حفاظتی نظام کہیں زیادہ اہم ہیں۔گیٹس نے اتوار کو این بی سی کے پروگرام میٹ دی پریس میں کہا صرف کِل سوئچ کا ہونا کافی نہیں۔ میں کبھی یہ نہیں کہنا چاہوں گا کہ میں کِل سوئچ کے خلاف ہوں۔لیکن جب آپ نقصان دہ رویے کو قابو میں رکھنے کی کوشش کر رہے ہوں تو آپ کو یہ جاننے اور ریکارڈ رکھنے کی ضرورت ہوتی ہے کہ کیا کچھ کیا جا رہا ہے۔انہوں نے خاص طور پر مصنوعی ذہانت کے ذریعے ہونے والی دہشت گردی کے خطرے کی طرف اشارہ کیا۔انہوں نے خبردار کیا کہ مصنوعی ذہانت یقینا اتنی طاقت ور ہے کہ ایسے واقعات کا باعث بن سکتی ہے جن میں ایک ارب افراد مارے جائیں۔