کم عمر بچوں کے سوشل میڈیا کے استعمال پر پابندی عائد کرنیکی درخواست پر اعتراضات کیخلاف اپیل دائر

لاہور (این این آئی) 16 سے کم عمر بچوں کے سوشل میڈیا کے استعمال پر پابندی عائد کرنے کی
درخواست پر اعتراضات کے خلاف اپیل دائر کر دی گئی۔ ایڈووکیٹ شیراز ذکاء نے رجسٹرار آئینی عدالت کے فیصلے کے خلاف وفاقی آئینی عدالتلاہور رجسٹری میں اپیل دائر کی۔ جس میں موقف اپنایا گیا ہے کہ رجسٹرار نے کم عمر بچوں کے سوشل میڈیا استعمال پر پابندی کی درخواست 5 اعتراضات لگا کر دی واپس کی۔ رجسٹرار کے پاس درخواست کے قابل سماعت ہونے سے متعلق فیصلہ کرنے کا اختیار نہیں۔ رجسٹرار کا عہدہ انتظامی نوعیت ہے، عدالتی اختیار نہیں استعمال کرسکتا۔ رجسٹرار کے مطابق کم عمر بچوں کے سوشل میڈیا استعمال پر پابندی عوامی مفاد کا معاملہ نہیں ، رجسٹرار کا عدالتی اختیارات استعمال کرنا غیر قانونی ہے۔ درخواست گزار کے مطابق بچوں کے سوشل میڈیا پالیسی کو ریگولیٹ کرنا خالص عوامی مفاد کا معاملہ ہے ،استدعا ہے کہ عدالت رجسٹرار کے اعتراضات ختم کر کے درخواست سماعت کے لیے مقرر کرنے کا حکم دے ۔