نئی دہلی میں 6ہفتوں کیلئے تعمیراتی کام پر پابندی

لاہور(خبریں ڈیجیٹل)بھارتی دارالحکومت میں بڑھتی ہوئی فضائی آلودگی پر قابو پانے کیلئے حکومت نے تعمیراتی اور انہدامی سرگرمیوں پر تقریبا 6 ہفتوں کیلئے مکمل پابندی عائد کرنے  کا اعلان کیا ہے۔ یہ پابندی 10 دسمبر 2026 سے 20 جنوری 2027 تک نافذ رہے گی۔حکام کے مطابق یہ اقدام موسمِ سرما میں فضائی آلودگی کی شدت کم کرنے کے لیے تیار کیے گئے جامع منصوبے کا حصہ ہے۔ دہلی میں سردیوں کے دوران آلودگی میں اضافہ ہوتا ہے اور فضائی ذرات زمین کے قریب جمع رہتے ہیں۔منصوبے کے تحت یکم نومبر سے 31 جنوری تک گردوغبار پیدا کرنے والی انہدامی سرگرمیوں اور کھلی تعمیرات پر بھی پابندیاں ہوں گی، جبکہ بعض ضروری عوامی انفراسٹرکچر منصوبوں کو استثنی حاصل ہوگا۔