اٹک ( ڈسٹرکٹ رپو رٹر ) مہریہ ٹاؤن کے قریب دی شیف کیفے کی دوسری منزل پر آگ لگ گئی، قابو پا لیا گیا،تفصیلات کے مطابق مہریہ ٹاؤن کے قریب واقع دی شیف کیفے کی دوسری منزل پر آگ لگنے کا واقعہ پیش آیا، مذکورہ منزل پر کیفے کے ورکرز کی رہائش ہے، ابتدائی معلومات کے مطابق سولر کی سپلائی اس حصے سے وائر کے راستے انلیٹ ہے اور اوور وولٹیج کے باعث وائر میں شارٹ سرکٹ سے آگ لگی، اطلاع ملتے ہی ڈسٹرکٹ کنٹرول روم ریسکیو 1122 اٹک نے فوری طور پر فائر وہیکلز کو جائے وقوعہ کی جانب روانہ کیا، ریسکیو 1122 کے فائر فائٹرز نے بروقت کارروائی کرتے ہوئے آگ پر قابو پا لیا، خوش قسمتی سے اس واقعہ میں کوئی جانی نقصان نہیں ہوا، آپریشن کی نگرانی ڈسٹرکٹ ایمرجنسی آفیسر میاں محمد اشفاق نے کی۔
