گوجر خان سہولت بازار کے حوالے سے قیاس آرائیوں کا خاتمہ

گوجرخان ( بیورو رپورٹ)سہولت بازار کے حوالے سے قیاس آرائیوں کا خاتمہ، ریڑھی بانوں کا ریکارڈ اے سی آفس گوجرخان میں جمع،متاثرین مندرہ کو متبادل جگہ فراہم کرنے کے لیے عملی اقدامات جاری،ماڈل سہولت بازار کے بعد ماڈل کھوکھا بازار پر بھی کام کیا جائے گا، حمزہ صبور بٹ ممندرہ سہولت بازار کے حوالے سے جاری قیاس آرائیوں کے خاتمے اور ریڑھی بانوں کی بحالی کے سلسلے میں اہم پیش رفت سامنے آئی ہے۔ماہِ رمضان میں حمزہ صبور بٹ اور بلال صاحب کی جانب سے دی گئی درخواست پر عملدرآمد کرتے ہوئے اسسٹنٹ کمشنر آفس گوجرخان اور پیرا فورس آفس کی ہدایات کے مطابق مندرہ کے ریڑھی بانوں کے مکمل کوائف اور تصاویر جمع کرکے تمام ریکارڈ اے سی آفس گوجرخان میں جمع کرا دیا گیا۔اس موقع پر تاجر رہنماں، صحافیوں اور ریڑھی بانوں کی بڑی تعداد موجود تھی۔ شرکا میں تاجر رہنما راجہ شباب عزیز،حمزہ صبور بٹ،حاجی خاقان امتیاز ککھڑی،راجہ نقیب جوڑیاں،تاجر اتحاد یونٹی گروپ کے نمائندے اور متاثرہ ریڑھی بان شامل تھے۔میڈیا سے گفتگو کرتے ہوئے تاجر اتحاد یونٹی گروپ کے رہنما حمزہ صبور بٹ نے کہا کہ ان کی ٹیم متاثرین مندرہ،خصوصا ریڑھی بانوں اور کھوکھا مالکان کو متبادل جگہ فراہم کرنے کے لیے بھرپور کوششیں کر رہی ہے۔ان کا کہنا تھا کہ متاثرین کو منظور شدہ سہولت ریڑھی بازار اور ماڈل کھوکھا بازار میں منتقل کرانے کے لیے متعلقہ حکام کے ساتھ مل کر اقدامات کیے جائیں گے۔انہوں نے بتایا کہ اس سلسلے کی پہلی کڑی ماڈل سہولت بازار کی صورت میں جلد سامنے آنے کی توقع ہے،جبکہ ماڈل کھوکھا بازار کے قیام پر بھی کام جاری ہے۔انہوں نے کہا کہ محکمہ جاتی معاملات اور دیگر قانونی پیچیدگیوں کو دور کرکے ان منصوبوں پر عملدرآمد یقینی بنانے کی کوشش کی جائے گی۔حمزہ صبور بٹ کا مزید کہنا تھا کہ تاجر اتحاد یونٹی گروپ مندرہ بازار کی تعمیر و ترقی کے لیے بھی کوشاں ہے، جس میں عوامی سہولت کے لیے باتھ رومز کی تعمیر،اسٹریٹ لائٹس کی تنصیب، سیوریج نظام کی بہتری اور پارکنگ کے انتظامات شامل ہیں۔انہوں نے امید ظاہر کی کہ اللہ تعالی کے فضل و کرم اور تاجروں کی حمایت سے مندرہ بازار کی بہتری کے منصوبوں کو عملی شکل دی جائے گی اور متاثرہ ریڑھی بانوں و کھوکھا مالکان کی بحالی کے لیے مثر اقدامات کیے جائیں گے۔تاجر رہنما حمزہ صبور بٹ نے اس عزم کا اظہار کیا کہ تاجر اتحاد یونٹی گروپ مندرہ بازار کی تعمیر و ترقی اور متاثرہ افراد کو متبادل جگہوں پر ایڈجسٹ کرنے کے لیے اپنی کوششیں جاری رکھے گا۔