آپ نے معاہدے پر دستخط کیے ہوتے تو بانی کو تمام سہولیات فراہمی یقینی بنانے میں ساتھ دیتے: مشترکہ اجلاس میںشیری رحمان کا پی ٹی آئی کو دوٹوک جواب

اسلام آباد (سٹاف رپورٹر) پارلیمنٹ کے مشترکہ اجلاس میں پاکستان پیپلز پارٹی کی رہنما شیری رحمان نے تحریک انصاف کو سخت تنقید کا نشانہ بناتے ہوئے کہا ہے کہ عمران خان کے دور حکومت میں تحریک طالبان پاکستان کے لوگوں کو واپس لایا گیا، آج ہمیں اپنی سرزمین واپس چاہیے اور ریاست کا تحفظ کرنا ہماری ذمہ داری ہے۔شیری رحمان نے کہا کہ تحریک انصاف کو سوچنا چاہیے کہ معاہدے کے بغیر مذاکرات سے نکل کر وہ کس بند گلی میں جا پہنچی ہے۔ ان کے مطابق اگر معاہدے پر دستخط ہو جاتے تو حکومت بانی پی ٹی آئی عمران خان کو تمام قانونی حقوق اور سہولیات کی فراہمی یقینی بنانے کے لیے تعاون کرتی۔ انہوں نے سوال اٹھایا کہ جب اپوزیشن کے مطالبات پر پیش رفت ہو رہی تھی تو پھر مذاکرات کو نتیجہ خیز بنانے کے بجائے انہیں ادھورا کیوں چھوڑ دیا گیا۔
شیری رحمن