خانہ کعبہ پر باران رحمت’بارش میں عبادت’طواف کے روح پرور مناظر

مکہ مکرمہ(این این آئی) مکہ مکرمہ میں موسلادھار بارش کے دوران ایمان افروز مناظر نے دلوں کو چھو لیا خانہ کعبہ کے گرد بارش کی بوندوں میں بھیگتے عمرہ زائرین طوافِ کعبہ میں مصروف رہے اور عبادت کا سلسلہ جاری رکھا۔بارش کے دوران مسجد الحرام میں روح پرور مناظر دیکھنے میں آئے، جہاں زائرین نے بارانِ رحمت کے درمیان طوافِ کعبہ جاری رکھا۔بارش سے مسجد الحرام اور گردونواح کا موسم خوشگوار ہوگیا جبکہ مکہ کلاک ٹاور پر آسمانی بجلی گرنے کے مناظر بھی دیکھے گئے۔بارش کی بوندوں میں خانہ کعبہ کا طواف کرتے زائرین کے مناظر نے حرم شریف کی روحانی فضا کو مزید دلکش بنا دیا۔قدرت کے اس حسین منظر میں عبادت، عقیدت اور روحانیت کا امتزاج دیکھنے کو ملا۔