لاہور/ راولپنڈی/ملتان/فیصل آباد /بہاولپو ر/گوجرانوالہ ( این این آئی) لاہور سمیت پنجاب کے تعلیمی بورڈز نے انٹرمیڈیٹ پارٹ ون (گیا رہویں جماعت) 2026ء کے سالانہ نتائج کا اعلان کر دیا۔لاہور تعلیمی بورڈ کے مطابق انٹرمیڈیٹ پارٹ ون کے امتحانات میں کامیابی کا تناسب 60.03فیصد رہا، امتحان میں کل 1لاکھ 65ہزار 245امیدواروں نے شرکت کی، جن میں سے 99ہزار 191طلباء و طالبات کامیاب ہوئے، امتحان میں 66ہزار امیدوار فیل ہوگئے۔ایجوکیشن بورڈ راولپنڈی کے 11ویں کلاس کے نتائج کے مطابق امتحان میں 55834امیدوار شریک ہوئے، 30280کامیاب اور 25554فیل ہوگئے، کامیابی کا مجموعی نتیجہ 54.23 فیصد رہا۔امتحانات میں طالبات پھر بازی لے گئیں، گرلز کامیابی کا تناسب 62.13، بوائز 38.54رہا، کل 7205بوائز پاس جبکہ 23075طالبات پاس ہوئیں۔تعلیمی بورڈ ملتان نے انٹرمیڈیٹ پارٹ ون (سالانہ)امتحان 2026ء کے نتائج کا اعلان کر دیا، کامیابی کا مجموعی تناسب 65.15فیصد رہا، امتحان میں کل 68,375امیدوار شریک ہوئے جبکہ 44,547امیدوار کامیاب قرار پائے۔ملتان:پری میڈیکل گروپ: کامیاب امیدواروں کا تناسب 78.25فیصد، پری انجینئرنگ گروپ کامیابی کا تناسب 76.45فیصد رہا، جنرل سائنس گروپ میں کامیابی کی شرح 65.16فیصد رہی جبکہ کامرس گروپ میں کامیابی کی شرح 65.56 فیصد رہی۔فیصل آباد تعلیمی بورڈ نے گیارہویں جماعت کے سالانہ امتحانات 2026کے نتائج کا اعلان کر دیا، امتحان میں ایک لاکھ پانچ ہزار 663طلبہ نے شرکت کی، جن میں سے 65ہزار 178طلبہ کامیاب قرار پائے۔تعلیمی بورڈ کے مطابق امتحان میں کامیابی کا تناسب 61.68فیصد رہا جبکہ باقی طلبہ کامیابی حاصل نہ کر سکے۔بہاولپور بورڈ کے زیر اہتمام انٹرمیڈیٹ پارٹ ون امتحانات 2026ء کے نتائج کا اعلان کر دیا گیا، کامیابی کا مجموعی تناسب 53.46 فیصد رہا، امتحانات میں 49ہزار 658امیدواروں نے شرکت کی، 26ہزار 548کامیاب قرار پائے۔ریگولر امیدواروں کی کامیابی کا تناسب 54.33فیصد جبکہ پرائیویٹ امیدواروں کی کامیابی کا تناسب 36.62 فیصد رہا۔گوجرانوالہ تعلیمی بورڈ کی جانب سے بھی انٹرمیڈیٹ پارٹ ون کے سالانہ امتحانات 2026ء کے نتائج جاری کر دیئے گئے۔چیرپرسن بورڈ اقصی شبیر کے مطابق امتحان میں ایک لاکھ 35ہزار 983امیدوار شریک ہوئے، امتحان میں 79ہزار 85امیدوار کامیاب قرار پائے جبکہ 56ہزار امیدوار فیل ہوئے، امتحانات میں کامیابی کا تناسب 58.16فیصد رہا۔
