راولپنڈی(سٹی رپورٹر)کہوٹہ پولیس کی کارروائی،قتل، اقدام قتل کے مقدمہ میں مطلوب دو اشتہاری گرفتار۔ تفصیلات کے مطابق کہوٹہ پولیس نے کارروائی کرتے ہوئے قتل، اقدام قتل کے مقدمہ میں مطلوب دو اشتہاریوں کو گرفتارکرلیا، اشتہاریوں نے معمولی تلخ کلامی پر ساتھیوں کے ہمراہ فائرنگ کر کے شہری کو قتل جبکہ دوسرے کو زخمی کر دیا تھا، اشتہاری اگست 2026 سے پولیس کو مطلوب تھے، کہوٹہ پولیس نے ہیومن انٹیلی جنس سمیت تمام ذرائع بروئے کار لاتے ہوئے گرفتار کر لیا،ایس پی صدر انعم شیر کا کہناتھاکہ اشتہاریوں کو ٹھوس شواہد کے ساتھ چالان کیا جائے گا۔
