راولپنڈی(سٹی رپورٹر)راولپنڈی پولیس کی پتنگ سپلائرز کے خلاف کارروائیاں، 2 پتنگ سپلائر گرفتار،1600 پتنگیں اور 17 ڈوریں برآمد۔ تفصیلات کے مطابق ٹیکسلا پولیس نے ایک ملزم کو حراست میں لے کر 1500پتنگیں اور 16ڈوریں برآمد کیں، نصیرآباد پولیس نے ایک ملزم کو حراست میں لے کر 100 پتنگیں اور ڈور برآمد کی، ملزمان کے خلاف الگ الگ مقدمات درج کر کے گرفتار کیا گیا،ایس پی پوٹھوہار چوہدری اثر علی کاکہناتھاکہ پتنگ بازی کو ناقابل ضمانت جرم قرار دیا گیا ہے، پتنگ بازی جیسے خونی کھیل میں ملوث افراد قانون کی گرفت سے نہیں بچ سکتے۔
