واشنگٹن (این این آئی)امریکی ڈیموکریٹک رکنِ کانگریس الہان عمر نے انکشاف کیا ہے کہ
وفاقی ایجنٹس نے واشنگٹن ڈی سی میں رہائش گاہ پر علی الصبح چھاپے کے دوران ذاتی استعمال کی 17 اشیا ضبط کیں۔تلاشی کے بعد پہلی بار ردِعمل کا اظہار کرتے ہوئے الہان عمر نے دعوی کیا کہ یہ کارروائی محض دکھاوا تھی، جس کا مقصد خوف زدہ کرنا اور سیاسی طور پر دبا میں لانا تھا۔الہان عمر کے مطابق امریکی محکمہ داخلی سلامتی کے 25 اہلکاروں نے رہائش گاہ پر تقریبا 5 گھنٹے تک تلاشی لی۔ان کا کہنا تھا کہ اہلکاروں نے موبائل فون، ذاتی نوٹ بکس، ایک قدیم کیمرہ اور صومالی زبان میں بچوں کی ایک کتاب سمیت 17 اشیا ضبط کیں۔رپورٹس کے مطابق اہلکار صبح 6 بجے رہائش گاہ پہنچے اور سرچ وارنٹ پر عمل درآمد کے لیے مرکزی دروازہ زور زور سے کھٹکھٹایا۔
وفاقی ایجنٹس نے ذاتی استعمال کی 17 اشیا ضبط کر لیں، الہان عمر
