چیچہ وطنی (نمائندہ خبریں، تحصیل رپورٹر، نمائندہ خصوصی) وزیر اعظم پاکستان میاں شہباز شریف کی مسلم لیگ (ن) کے سرکردہ رہنما اور سابق ممبر صوبائی اسمبلی چوہدری محمد حنیف جٹ مرحوم کی وفات پر تعزیت کیلئے چیچہ وطنی میں چوہدری برادران کی رہائش گاہ آمد،مرحوم کے بھائی چوہدری محمد طفیل جٹ اور دیگر اہل خانہ سے گہرے دکھ اور افسوس کا اظہار،وزیر اعظم شہباز شریف خصوصی طور پر تعزیت کے لیے چیچہ وطنی میں چوہدری برادران کی رہائش گاہ پہنچے، اس موقع پر انہوں نے رکن قومی اسمبلی چوہدری محمد طفیل جٹ، چوہدری محمد شریف جٹ، سابق ممبر صوبائی اسمبلی چوہدری محمد ارشد جٹ، چوہدری محمد اسد حنیف جٹ سے ملاقات کی اور چوہدری محمد حنیف جٹ کی وفات پر گہرے رنج و غم کا اظہار کیا اور مرحوم کی روح کے ایصال ثواب کیلئے فاتحہ خوانی کی اورمرحوم کے درجات کی بلندی، مغفرت اور پسماندگان کیلئے صبر جمیل کی دعا کی، وزیر اعظم نے چوہدری محمد حنیف جٹ مرحوم کی پارٹی اور علاقے کے لیے خدمات کو خراجِ عقیدت پیش کرتے ہوئے کہا کہ مرحوم ایک مخلص، وفادار اور عوامی رہنما تھے جن کی کمی ہمیشہ محسوس کی جائے گی،اس موقع پر وزیر اعظم کے معاون خصوصی برائے سیاسی امور رانا ثناء اللہ،وفاقی وزیر برائے قانون و انصاف اعظم نذیر تارڈ،وفاقی وزیر اطلاعات و نشریات عطاء اللہ تارڑ،مسلم لیگ (ن) کے دیگر مقامی قائدین اور معززین علاقہ بھی موجود تھے، چوہدری محمد طفیل جٹ نے دکھ کی اس گھڑی میں آمد پر وزیر اعظم میاں شہباز شریف کا شکریہ ادا کیا۔وزیر اعظم پاکستان میاں شہباز شریف کی سابق ممبرقومی اسمبلی چوہدری محمد منیر ازہر مرحوم کی وفات پر تعزیت کیلئے چیچہ وطنی میں ان کی رہائش گاہ ڈیرہ چوہدری منیر ازہر آمد، جہاں پر انہوں نے مرحوم کے بیٹے چوہدری شاہد منیر ازہر ، چوہدری ساجد منیر ازہراور بھائی چوہدری سلیم گھک سے گہرے دکھ اور افسوس کا اظہارکیاوزیر اعظم نے چوہدری محمد منیر ازہر مرحوم کو پارٹی خدمات کیلئے خراج تحسین پیش کیا اور کہا کہ مرحوم ہمارے پرانے اور وفادارساتھی تھے ان کی پارٹی اور عوامی خدمات کو ہمیشہ یاد رکھا جائے گا،اس موقع پر وزیر اعظم کے معاون خصوصی برائے سیاسی امور رانا ثناء اللہ،وفاقی وزیر برائے قانون و انصاف اعظم نذیر تارڑ،وفاقی وزیر اطلاعات و نشریات عطاء اللہ تارڑ،مسلم لیگ (ن) کے دیگر مقامی قائدین اور معززین علاقہ بھی موجود تھے۔
