سالانہ اہلِ حدیث کانفرنس بلکسر کا روح پرور انعقاد

بلکسر (نمائندہ خبریں)مرکزی جامع مسجد محمدی اہلِ حدیث بلکسر میں سالانہ اہلِ حدیث کانفرنس نہایت عقیدت و احترام، دینی جوش و جذبے اور روح پرور ماحول میں منعقد ہوئی۔ کانفرنس کی نگرانی حاجی رانا محمد سلیمان نے کی، جبکہ صدارت کے فرائض رانا محمد یوسف خاں نے انجام دیے۔ کانفرنس میں جید علما کرام نے ایمان افروز بیانات کے ذریعے شرکائے محفل کے قلوب کو منور کیا اور دینِ اسلام کی تعلیمات،اصلاح معاشرہ، محبتِ رسول ۖ اور دینی وابستگی کے پیغام کو اجاگر کیا۔کانفرنس میں فرزندانِ اسلام نے بھرپور شرکت کرکے دینی اجتماعات سے اپنی والہانہ عقیدت و محبت کا اظہار کیا۔ دورانِ کانفرنس مسجد کا ماحول ذکرِ الہی، درود و سلام اور علمائے کرام کے پراثر خطابات سے معطر رہا۔ شرکائے کانفرنس نے علما کرام کے بیانات سے استفادہ کیا اور دینی و مذہبی سرگرمیوں سے اپنی وابستگی کا عملی مظاہرہ کیا۔