بسنت 2027ء سے قبل اندرون لاہور کی 271عمارتیں خطرناک قرار

لاہور (این این آئی) بسنت 2027ء کے پیش نظر اندرون شہر لاہور کی خطرناک عمارتوں کی تفصیلات سامنے آگئیں۔ حکام کے مطابق اندرون شہر کے 5وارڈز میں تقریباً 10ہزار عمارتوں کا سروے مکمل کر لیا گیا، جس کے دوران 271 عمارتوں کو خطرناک قرار دیا گیا ہے۔ سروے کے مطابق لوہاری گیٹ کے علاقے میں سب سے زیادہ 95 خطرناک عمارتوں کی نشاندہی ہوئی جبکہ ٹیکسالی گیٹ میں 57 عمارتیں خطرناک پائی گئیں۔ اسی طرح اکبری گیٹ اور دہلی گیٹ پر مشتمل وارڈ میں 52، بھاٹی گیٹ میں 43 اور یکی گیٹ میں 24 خطرناک عمارتوں کی نشاندہی کی گئی ہے۔ حکام کے مطابق اندرون لاہور کے مجموعی طور پر 9 وارڈز میں تقریباً 22 ہزار عمارتیں موجود ہیں۔ پانچ وارڈز کا سروے مکمل ہونے کے بعد باقی چار وارڈز میں عمارتوں کی جانچ پڑتال کا عمل جاری ہے۔ بسنت 2027ء سے قبل خطرناک عمارتوں کی نشاندہی کو اہم قرار دیا جارہا ہے تاکہ شہریوں کی حفاظت اور ممکنہ حادثات سے بچا کے لیے ضروری اقدامات کیے جا سکیں۔