PIA کی بین الاقوامی فضائوں میں واپسی کا سفر اہم مرحلے میں داخل

لاہور( این این آئی)قومی ایئر لائن کی بین الاقوامی فضائوں میں واپسی کا سفر ایک اور اہم مرحلے میں داخل ہو گیا، لندن کیلئے ہفتہ وار پروازوں کی تعداد 7کر دی گئی، جبکہ برمنگھم کیلئے براہ راست فضائی آپریشن بھی یکم دسمبر سے بحال کیا جا رہا ہے۔پی آئی اے نے ایک اور سنگ میل عبور کیا ہے، پہلی بار بوئنگ 787 ڈریم لائنر طیارے فضائی آپریشن کیلئے استعمال کیے جائیں گے۔نئے شیڈول کے تحت اسلام آباد سے پانچ، جبکہ لاہور سے دو پروازیں لندن کے لیے روانہ ہوں گی، یوں پاکستان اور برطانیہ کے درمیان فضائی رابطہ اب روزانہ کی بنیاد پر دستیاب ہوگا جس سے مسافروں کو سفر کی منصوبہ بندی میں مزید سہولت اور انتخاب میسر آئے گا۔قومی ایئر لائن یکم دسمبر سے برمنگھم کے لیے بھی براہ راست پروازیں شروع کرنے جا رہی ہے اس سے برطانیہ میں مقیم پاکستانیوں کو اپنے وطن آنے جانے میں سہولت ملے گی۔