لاہور ہائیکورٹ:سیکرٹری اسٹیبلشمنٹ نبیل اعوان کیخلاف توہین عدالت کی درخواست’ ریکارڈ سمیت 3 نومبر کو طلب

لاہور (کورٹ رپورٹر) لاہور ہائیکورٹ نے سیکرٹری اسٹیبلشمنٹ نبیل اعوان کیخلاف توہین عدالت کی درخواست پر سماعت کرتے ہوئے سیکرٹری اسٹیبلشمنٹ نبیل اعوان کو ریکارڈ سمیت3 نومبر کو طلب کرلیا۔ عدالت نے جوائنٹ سیکرٹری اسٹیبلشمنٹ ڈویژن کے جواب کو غیر تسلی بخش قرار دے کر مسترد کردیا۔ چیف جسٹس نے ریمارکس دیئے کہ ایک طرف معافی مانگ رہے ہیں دوسری طرف وضاحت پر وضاحت دے رہے ہیں، یہ آپ کیا کر رہے ہیں یہ کیا طریقہ ہے، سیکرٹری اسٹیبلشمنٹ کو بلائیں ان کو پتہ چلے ان کے ماتحت کیا کر رہے ہیں۔ چیف جسٹس لاہور ہائیکورٹ نے درخواست پر سماعت کی ڈپٹی اٹارنی جنرل نے عدالت کو آگاہ کیا کہ عدالتی حکم پر بیان حلفی کے ساتھ توہین عدالت کا جواب جمع کروا دیا۔ چیف جسٹس نے ریمارکس دیئے کہ غیر مشروط معافی کیساتھ کہہ رہے ہیں عدالت کے حکم کی تعمیل میرا اختیار نہیں، آپ نے جواب میں جو وضاحت دی وہ قابل قبول نہیں، آپ نے عدالت کے حکم کو فٹ بال بنا رکھا ہے۔ چیف جسٹس کا جوائنٹ سیکرٹری کے پھر عدالتی حکم کی ازخود تشریح پر اظہار ناراضگی کیا چیف جسٹس نے ریمارکس دیئے کہ ایک طرف معافی مانگ رہے ہیں دوسری طرف وضاحت پر وضاحت دے رہے ہیں، یہ آپ کیا کر رہے ہیں یہ کیا طریقہ ہے، سیکرٹری اسٹیبلشمنٹ کو بلائیں ان کو پتہ چلے ان کے ماتحت کیا کررہے ہیں، چیف جسٹس نے سیکرٹری اسٹیبلشمنٹ کو 3 نومبر کو ذاتی حیثیت میں طلب کرلیاجوائنٹ سیکرٹری حافظ اسحاق عدالت میں پیش ہوئے چیف جسٹس لاہور ہائیکورٹ نے ڈی آئی جی ناصر عزیز کی توہین عدالت کی درخواست پر سماعت کی درخواست گزار کا موقف تھا کہ فیڈرل سروس ٹربیونل نے درخواست گزار سنیارٹی بارے فیصلہ دیا اسٹیبلشمنٹ ڈویژن نے فیڈرل سروس ٹربیونل کے فیصلے پر عملدرآمد نہیں کیا اسٹیبلشمنٹ ڈویژن نے ہائیکورٹ میں فیصلے پر عملدرآمد کی یقین دہانی کرائی، ہائیکورٹ کے فیصلے پر عملدرآمد نہ کرکے توہین عدالت کی گئی درخواست گزار کی استدعا تھی کہ عدالت سیکرٹری اسٹیبلشمنٹ نبیل اعوان کیخلاف توہین عدالت کی کارروائی کرے۔