سکھرمیں ایل پی جی ٹینکر دھماکا، 2 افراد جاں بحق، 3 زخمی

سکھر (این این آئی)سکھر میں روہڑی انٹرچینج کے قریب ایل پی جی ٹینکر میں دھماکے کے نتیجے میں 2 افراد جاں بحق اور 3 زخمی ہوگئے۔پولیس کے مطابق واقعے کی اطلاع ملتے ہی پولیس اور ریسکیو ٹیمیں جائے حادثہ پر پہنچ گئیں۔ زخمیوں اور جاں بحق افراد کی لاشوں کو تعلقہ اسپتال روہڑی منتقل کیا جا رہا ہے۔دھماکے کے باعث قریب سے گزرنے والی گاڑیوں کو بھی نقصان پہنچا۔ واقعے کی مزید تفصیلات اور دھماکے کی وجوہات تاحال سامنے نہیں آسکیں۔