وزیر قانون کا کنگن پور میں زہریلی کھیر سے 3 نوجوانوں کی ہلاکت کا نوٹس

لاہور (این این آئی)صوبائی وزیر قانون رانا محمد اقبال خان نے ضلع قصور کے علاقے کنگن پور
میں زہریلی کھیر کھانے سے تین نوجوانوں کی ہلاکت کے افسوسناک واقعے کا نوٹس لیتے ہوئے ڈپٹی کمشنر قصور سے رپورٹ طلب کر لی ہے۔صوبائی وزیر قانون رانا محمد اقبال خان نے واقعے پر گہرے دکھ اور افسوس کا اظہار کرتے ہوئے کہا کہ تین نوجوانوں کی ہلاکت انتہائی افسوسناک سانحہ ہے۔ انہوں نے متاثرہ خاندانوں سے دلی ہمدردی اور تعزیت کا اظہار کرتے ہوئے کہا کہ دکھ کی اس گھڑی میں متاثرہ خاندانوں کے غم میں برابر کے شریک ہیں۔رانا محمد اقبال خان نے متعلقہ حکام کو ہدایت کی کہ واقعے کی مکمل اور غیر جانبدارانہ تحقیقات کرکے تمام حقائق سامنے لائے جائیں۔