شہر میں سموگ کے ڈیرے، لاہور دنیا کے آلودہ ترین شہروں میں پھر پہلے نمبر پر

لاہور (این این آئی) لاہور میں سموگ کے ڈیرے برقرار، شہر کی فضا مضرِ صحت ہونے کے باعث حدِ نگاہ متاثر ہونے لگی۔ شہر میں ایئر کوالٹی انڈیکس (اے کیو آئی) کی شرح 326 ریکارڈ کی گئی جبکہ لاہور دنیا کے آلودہ ترین شہروں میں پہلے نمبر پر آگیا۔ مختلف علاقوں میں فضائی آلودگی کی شرح خطرناک حد تک بلند ریکارڈ کی گئی۔ اقبال ٹائون میں اے کیو آئی 605، گلبرگ ٹو میں 553، پیراگون سٹی میں 372، کینٹ میں 355اور برکی روڈ پر 348 ریکارڈ کیا گیا۔چمن پارک میں اے کیو آئی 280، ماڈل ٹائون میں 279، ڈی ایچ اے فیز فائیو میں 268، بیدیاں روڈ پر 238جبکہ عسکری ٹین میں 215ریکارڈ کیا گیا۔دوسری جانب شہر کا موجودہ درجہ حرارت 23ڈگری سینٹی گریڈ ریکارڈ کیا گیا ہے۔