گوجرانوالا پولیس مقابلوں کے دوران 2 ڈاکو ہلاک

تتلے عالی( نامہ نگار ) تھانہ تتلے عالی سمیت گوجرانوالا کے مختلف علاقوں میں 3 پولیس مقابلے، 2 خطرناک ڈاکو ہلاک، 2 ریکارڈ یافتہ ملزماں زخمی حالت میں گرفتار سی سی ڈی کانسٹیبل کے والد کو دورانِ واردات قتل کرنے والے خطرناک
بین الاضلاعی ڈاکو اپنے ہی ساتھیوں کی فائرنگ سے ہلاک ۔ہلاک ملزمان گوجرانوالا، گجرات، حافظ آباد اور جھنگ میں ڈکیتی، راہزنی، چوری، پولیس مقابلوں اور گجرات میں شہری کو دورانِ واردات قتل کرنے جیسے 55 مقدمات میں ریکارڈ یافتہ تھے۔ سی پی او ڈاکٹر سردار غیاث گل خان کا فوری نوٹس، ڈویژنل ایس پیز سے رپورٹ طلب۔تھانہ صدر وزیر آباد پولیس مقابلہ گوجرانوالا، گجرات، حافظ آباد اور جھنگ میں ڈکیتی، راہزنی، چوری، پولیس مقابلوں اور گجرات میں شہری کو دورانِ واردات قتل کرنے کے 55 مقدمات میں ریکارڈ یافتہ خطرناک بین الاضلاعی ڈاکو محمد عمران اور محمد یاسین اپنے 2 ساتھیوں کے ہمراہ پولیس ناکہ پر اندھا دھند فائرنگ کرتے ہوئے فرار ہونے کی کوشش میں اپنے ہی ساتھیوں کی فائرنگ سے ہلاک، قبضہ سے ناجائز اسلحہ برآمد، ساتھی ملزمان فرار۔ تھانہ سٹی وزیر آباد پولیس کارروائی؛ موٹر سائیکل چوری اور منشیات فروشی کے متعدد مقدمات میں ریکارڈ یافتہ ملزم شکیل احمد پولیس ناکہ سے فرار ہوتے ہوئے زخمی حالت میں گرفتار، قبضہ سے منشیات برآمد۔تھانہ تتلے عالی پولیس کارروائی؛ چوری کے 11 مقدمات میں ملوث و مطلوب ملزم غلام عباس دوران پولیس ریڈ فرار ہونے کی کوشش میں زخمی حالت میں گرفتار، قبضہ سے بلا نمبری موٹر سائیکل برآمد فرار ملزمان کی گرفتاری کے لیے ایس ڈی پی او وزیر آباد کی زیر نگرانی خصوصی پولیس ٹیمیں تشکیل، شہر بھر میں ناکہ بندی جاری۔ پر امن اور محفوظ معاشرے کی تشکیل کے لیے جرائم پیشہ عناصر اور منشیات فروشوں کی بیخ کنی ناگزیر ہے۔