راولپنڈی میں غیر قانونی تعمیرات کا نہ رکنے والا سلسلہ بدستور جاری

راولپنڈی(سٹی رپورٹر)راولپنڈی میونسپل کارپوریشن راولپنڈی کے علاقوں میں غیر قانونی،بغیر نقشہ، خلاف ضابطہ کمرشل بلڈنگز ،مارکیٹوں،پلازوں اور بڑے بڑے گوداموں کی تعمیرات کا نہ رکنے والا سلسلہ بدستور جاری ہے، جس کے باعث قومی خزانے کو کروڑوں روپے کا نقصان پہنچایا جارہا ہے، میونسپل آفیسر پلاننگ سہیل اسلم سمیت شعبہ بلڈنگ برانچ کے کرپٹ اور راشی عملہ نے پراسرار خاموشی اختیار کر رکھی ہے ،خبریں تحقیقاتی رپورٹ کے مطابق اس وقت بی بلاک سٹلائٹ ٹان راولپنڈی کے علاقوں میں بغیر نقشہ و کمرشلائزیشن پلازے اور مارکیٹیں، بڑے بڑے گودام دھڑلے سے بنائے جارہے ہیں، افسران بالا کے قریب سمجھے جانیوالیاس ملازم نے انسپکٹروں کو غیر قانونی تعمیرات کروانے کا گرین سگنل دے رکھا ہے جس کی وجہ سے شہر کا ماسٹر پلان تباہ وبرباد ہو کر رہ گیا ہے ذرائع کے مطابق ایم او پی سہیل اسلم جس کی وجہ سے میونسپل کارپوریشن راولپنڈی کا دفتر کرپشن کا گڑھ بن کر رہ گیا ہے، اس کرپٹ افسر نے شہر کاسارا حسن تباہ و برباد کرکے رکھ دیا ہے ذرائع کا کہنا ہے کہ مذکورہ کرپٹ افسر کے اگر اثاثہ جات چیک کئے جائیں تو معلوم ہوگا ، شہریوں حمزہ عبدالرحمن وغیرہ نے ڈپٹی کمشنر راولپنڈی کیپٹن (ر) ندیم ناصر نے غیر قانونی تعمیرات کے خلاف درخواستیں بھی دے رکھی ہیں،جس کا ڈائری نمبر 976 تاریخ 19-10-2026 اور ڈائری نمبر 2749 تاریخ 19-10-2026 دے رکھی ہیں،جس میں کہا گیا ہے،اس جگہ کا نقشہ رہائشی جمع کروایا گیا تھا،بعدازاں کمرشلائیزیش فیس جمع کروانے کی کوشش کی گئی تھی،جس کو کمیٹی نے مسترد کر دیا تھا،اور اب مبینہ طور پر افسران کو خوش کر کے اس کی غیر قانونی تعمیرات شروع کر دی گئی ہے،جس سے قومی خزانے کو کروڑوں روپے کا نقصان پہنچایا جارہا ہے،میونسپل کارپوریشن راولپنڈی کے چیف آفیسر اس کا نوٹس لیں اور اس کام کو بند کروائیں،