وزیراعلیٰ سندھ سے انٹرنیشنل ملٹی گروپ کے وفد کی ملاقات

کراچی (این این آئی) وزیراعلیٰ سندھ سید مراد علی شاہ سے انٹرنیشنل ملٹی گروپ آف کمپنیز (آئی ایم
جی سی) کے وفد نے ملاقات کی، جس میں زراعت، معدنی وسائل، سرمایہ کاری اور زرعی مصنوعات کی پراسیسنگ کے شعبوں میں تعاون کے امکانات پر تبادلہ خیال کیا گیا۔ وزیراعلیٰ سندھ نے کہا کہ مجوزہ منصوبے سے غیرملکی سرمایہ کاری کے ساتھ دیہی علاقوں کے نوجوانوں کے لیے ہزاروں روزگار کے مواقع پیدا ہوں گے۔ آئی ایم جی سی کے وفد کی قیادت چیئرمین شیخ امجد رشید نے کی۔ وفد میں جنرل منیجر ٹریڈ اینڈ کموڈٹیز شہریار خان، ہیڈ آف کیسٹر اینڈ سیسمی پروجیکٹ اعجاز چوہدری اور ریسرچ اینالسٹ زوہیب حسن شامل تھے۔