لاہور پارکنگ کمپنی زون 5 پارکنگ فیس کی اڑ میں بھتہ وصول کیا جانے لگا

لاہور(افضل سیال سے) لاہور پارکنگ کمپنی زون فائیو کے مینجر شکیل بلوچ اور ایم سی ایل کے پارکنگ
انسپکٹر صداقت گجر اور جی ایم لاہور پارکنگ عمر دراز بھٹی کا گٹھ جوڑ ،پارکنگ فیس کی مد میں بھتہ وصول ہونے لگا ، سی او لاہور پارکنگ کمپنی اوورچارجنگ روکنے میں ناکام ہو گئے ، موٹرسائیکل والوں سے سرکاری فیس 10روپے کی بجائے پچاس جبکہ گاڑی والوں سے 30روپے کی بجائے ایک سو سے تین سو روپیہ زبردستی وصول کرنے کا انکشاف، خبریں ٹیم نے سروے کے دوران زون فائیو میں اوورچارجنگ کے ثبوت حاصل کرلیے ،اکبری منڈی ، دھلی گیٹ ، شاہ عالم مارکیٹ کے تمام پارکنگ پوائنٹ پر فی گاڑی تین سو روپے وصول کیے جا رہے ہیں ، خبریں ٹیم نے شکیل بلوچ کی سرپرستی میں اوورچارجنگ کرنے والے ورکرز کو سرکاری ریٹ کی بجائے اوورچارجنگ کرتے رنگے ہاتھوں پکڑ لیا ، فورہ چوک شاہ عالم مارکیٹ سائٹ پر تین سو روپے ، باڑہ پلاٹ پارکنگ سائٹ پر ورکر دس روپے مٹا کر سو روپے سے تین سو روپے ، بھانڈرا سنٹر پر بھی تیس سے پچاس روپے اکبری منڈی بازار کے سامنے پارکنگ سائٹ پر موٹر سائیکل پچاس روپے جبکہ گاڑیوں سے تین سو روپے وصول کیے جا رہے ہیں ، اسطرح سے شاہدرہ باجوہ ہسپتال سمیت دیگر پارکنگ سائٹ پر اوورچاجنگ کے ذریعے شہریوں سے زبردستی پارکنگ فیس کے نام پر بھتہ وصولی جاری ہے ۔شہری سلطان محمد ، احمد علی ، خبیب الرحمان سمیت دیگر نے خبریں کو بتایا کہ مجھے سے موٹر سائیکل کے دس کی بجائے تیس روپے وصول کیے ہیں جبکہ گاڑی مالک تاجر مدثر نے خبریں کو بتایا کہ مجھ سے پارکنگ کے تین سو روپے وصول کیے گئے ہیں، شہریوں نے اعلی حکام سے اپیل کی ہے کہ پارکنگ کمپنی میں بیٹھے مافیا کو لگام ڈالیں اور سرکاری ریٹ پر عمل درآمد کو یقینی بنایا جائے ،